-
-
-
-
काठमाडौं । राष्ट्रिय योजना आयोगका उपाध्यक्ष विश्व पौडेलले नेपाली सेनासँग संवाद गरेका छन् । उनले आज ओखलढुङ्गामा अरिदमन गण तथा खोटाङ ऐसेलुखर्क, रामेछापको रामेछाप बजार तथा दोरम्बामा रहेको नयाँ गोरख गणको ब्यारेक र सुरक्षा गुल्ममा अन्तरक्रिया गरेका हुन् ।
पौडेलले रक्षा सचिव, नेपाली सेनाका बलाधिक्रित रथी तथा सेनाका अधिकृत तथा जवानहरुसँग अन्तर्कृया गरेको सामाजिक संजाल फेसबुकमार्फत जानकारी दिएका छन् ।
उनले लेखेका छन्, ‘विसं २०५८ देखि २०६२ को बीचमा नेपाली सेनाको संख्या लगभग ४० हजारबाट बढेर लगभग ९० हजार पुग्यो । तीमध्ये धेरै सैनिक जवानहरु आर्थिक रुपले साधारण घरपरिवारका सदस्य हुन् । उनीहरु बस्ने बंकरहरुमध्ये कतिपय अझै जिर्ण र अस्वस्थ्यकर अवस्थामा छन् । ती वंकरहरुलाई बस्न योग्य घरहरु भएको ब्यारेकमा परिवर्तन गर्न, साधारण जवानहरुलाई डिस्टेन्स लर्निङ लगायतका विभिन्न शिक्षा हासिल गर्ने मौका दिलाउन सरकार प्रतिवद्ध छ।’
