कृष्णनगर प्रमुख शाहसहित हजार बढी कार्यकर्ता कांग्रेसमा प्रवेश

मणि गैह्रे,

प्रकाशित २०७८ माघ २२ शनिबार

कपिलवस्तु । कपिलवस्तुको कृष्णनगर नगरपालिकाका नगरप्रमख रजतप्रताप शाह नेपाली कांग्रेसमा प्रवेश गरेका छन् । नगरप्रमख शाह नेपाली कांग्रेसमा प्रवेश गरेका हुन् । उनीसहित हजार बढी कार्यकर्ता पनि नेपाली कांग्रेसमा प्रवेश गरेका छन् ।

उनलाई कांग्रेस लुम्बिनी प्रदेश सभापति अम्बर सिंह पुन, महामन्त्री सुरेन्द्रराज आचार्य, कपिलवस्तु क्षेत्र नं ३ का सासंद अभिषेकप्रताव शाह, अतहर कमाल, जिल्ला सभापति अब्दुल कलामले संयुक्त रुपमा स्वागत गरेका हुन् ।

नगर प्रमुख शाहसहित ३ वडा अध्यक्षसमेत कांग्रेसमा प्रवेश गरेका छन् । कार्यक्रममा पूर्व आमन्त्रित केन्द्रीय सदस्य राजेश सिङ, पूर्व जिल्ला सभापति सुधाकर पाण्डेय लगायतले बोलेका थिय ।

नव प्रवेशी शाहले लोकतान्त्रिक पार्टी र समावेसी पार्टी कांग्रेस भएकाले प्रवेश गरेको बताए । जिल्ला सचिव प्रेमबहादुर रायमाझीको संचालन, शक्ति सिंह ठकुरीको स्वागत र सभापति अब्दुल कलामको अध्यक्षतामा कार्यक्रम सम्पन्न भएको थियो ।

२०७४ सालको स्थानीय तहको निर्वाचनमा स्वतन्त्रबाट कृष्णनगर नगरपालिकाको नगरप्रमुख पदमा विजयी भएका शाहको कांग्रेस प्रवेशलाई जिल्लामा निकै महत्वका साथ हेरिएको छ ।