-
-
-
-
नवलपुर । नवलपुरको कावासोतीमा अटो चालकको हत्या गरेको आरोपमा एक जना पक्राउ परेका छन् । पक्राउ पर्नेमा पृथ्वी भुजेल रहेका छन्। भुजेललाई भारतबाट पक्राउ गरिएको प्रहरीले जनाएको छ ।
जिल्ला प्रहरी कार्यालय नवलपुरका अनुसार भुजेलले गत माघ १७ गते अटो चालक ५२ वर्षीय माधव गिरीको हत्या गरेका थिए ।
उनीहरूले सँगै मदिरा पिएको र त्यसै राति गिरीको हत्या भएको थियो । हत्या भएपछि भुजेल फरार भएका भएका थिए ।
भुजेल र गिरी एउटै गाउँलेसमेत हुन् । कावासोती नगरपालिका वडा नं. १३ गैरीगाउँका ती अटो चालकको हत्या गरेर घोलको हिलोमा पातले छोपिएको अवस्थामा शव भेटिएको थियो ।
भुजेलले जीविकोपार्जनका लागि ज्याला मजदुरी गर्दै आएका थिए ।
