-
-
-
-
नवलपुर । नवलपुर प्रहरीले प्रतिवन्धित लागुऔषधसहित एक जनालाई पक्राउ गरेको छ ।
पक्राउ पर्नेमा नवलपुरको हुप्सेकोट गाउँपालिका वडा नं. १ जुगेपानी निवासी ३५ बर्षीय मंगल पुन रहेका छन् ।
विशेष सूचनाको आधारमा पुनको घर कोठामा खान तलासी गर्दा लागुऔषध बरामद गरेको प्रहरी चौकी हुप्सेकोटले जनाएको छ ।
उनको घरबाट प्रहरीले फेनारगन २४ एम्पुल, नुफिन २२ एम्पुल, डाईजापाम २१ एम्पुल र नाम नखुलेको निलो रङको ट्याबलेट १ सय ९६ पिस बरामद गरेको हो ।
लागुऔषध सहित पक्राउ परेका पुनबारे थप अनुसन्धान भइरहेको प्रहरीले जनाएको छ ।
