-
-
-
-
नेपालगञ्ज । नेपाली कांग्रेस बाँके सभापतिमा नारायणप्रसाद गौडेल निर्वाचित भएका छन् । गौडेल ७६० मतका साथ सभापतिमा विजयी भएका हुन् । गौडेल संस्थापन इतर समूहका हुन् ।
दोस्रो चरणको निर्वाचनबाट गौडेल उनका प्रतिद्वन्द्वी बादशाह कुर्मीलाई ९७ मत अन्तरले पराजित गर्दै सभापति पदमा निर्वाचित भएका हुन् । कुर्मीले ६६३ मत ल्याए ।
संस्थापन इतरबाट गौडेल र संस्थापन समूहबाट कुर्मी उम्मेदवार थिए । शुक्रबार भएको दोस्रो चरणको मतदानमा कुल १४ सय ९३ मतादातामा १४ सय ३९ जनाले मतदान गरेका थिए ।
सभापतिको बिहीबार भएको पहिलो चरणको मतगणनामा गौडेलले ५६९ मत ल्याएर पहिलो भएका थिए भने कुर्मीले ५३८ र संस्थापन समूहकै सुरेन्द्र हमालले ३१४ मत प्राप्त गरेका थिए । प्रतिस्पर्धाबाट बाहिरिएका हमालले संस्थापन इतरका गौडेललाई समर्थन गर्दै आफ्ना मतदातालाई गौडेललाई भोट दिन निर्देशन दिएका थिए ।
योसँगै संस्थापन पक्षलाई बाँकेमा झड्का लागेको छ ।
