रौतहट कांग्रेसको अधिवेशनमा ९७ प्रतिशत मत खस्यो, पालो नतिजाको

प्रिमेश शिवाकोटी,

प्रकाशित २०७८ फागुन २३ सोमबार

रौतहट । रौतहटमा जारी रहेको नेपाली कांग्रेसको जिल्ला अधिवेशनको मतदान प्रक्रिया सकिएको छ । २५ सय ९१ मतदाता रहेकामा २५ सय १८ मत खसेको निर्वाचन कार्यालयले जनाएको छ । अधिवेशनमा कुल मतमध्ये ९७ प्रतिशत मत खसेको छ ।

राति ९ बजेदेखि मतगणना शुरु गर्ने भनिए पनि खाना खाएपछि राति १० बजेदेखि गणना गर्ने तयारी भएको निर्वाचन अधिकृत दिपकराज रेग्मीले जानकारी दिएका छ्न् ।

शनिबार विवाद भएपछि स्थगित भएको निर्वाचन प्रकृया सोमबार शान्तिपूर्ण रुपमा सम्पन्न भएको हो । जिल्ला सभापतिमा २ कार्यकाल जिल्ला सचिव रहेका हृदयनारायण यादव र संविधानसभा सदस्य सुनिल यादवको प्यानलबीच प्रतिस्पर्धा भएको छ ।