-
-
-
-
पोखरा । कास्की प्रहरीले भरुवा बन्दुकसहित एक युवकलाई पक्राउ गरेको छ । पक्राउ पर्नेमा कास्कीको अन्नपूर्ण गाउँपालिका वडा नं. ९ निवासी ३२ वर्षीय सेते गर्वुजा रहेका छन् ।
मंगलबार दिउँसो लाई भरुवा बन्दुकसहित प्रहरी चौकी विरेठाटीबाट खटिएको प्रहरीको टोलीले उनलाई पक्राउ गरेको कास्की प्रहरी प्रवक्ता सुन्दर तिवारीले जानकारी दिए ।
तिवारीका अनुसार अनुसार सोही गाउँपालिकाको उल्लेरी भन्ने स्थानमा बन्दुक पड्काएको आवाज आएको भन्ने सूचना प्राप्त भएको थियो ।
सोही सूचनाको आधारमा खटिएको प्रहरीको टोलीले स्थानीयलाई सोधपुछ गर्दा उनी भागेको र खोजी गर्नेक्रममा सोही स्थानको जंगलमा लुकेर बसेको अवस्थामा गर्वुजालाई बन्दुकसहित पक्राउ गरेको डिएसपी तिवारीले जानकारी दिए । पक्राउ परेका उनीमाथि आवश्यक अनुसन्धान गरिरहेको प्रहरीको भनाइ छ ।
