-
-
-
-
काठमाडौं । युवा तथा खेलकुद मन्त्री महेश्वर गहतराज (अथक) ले त्रिदेशीय टी-२० शृङ्खलाको उद्घाटन गरेका छन् । मन्त्री अथकले उद्घाटन गरेसँगै आज देखी कीर्तिपुरस्थित टीयू अन्तर्राष्ट्रिय मैदानमा त्रिदेशीय टी-२० शृङ्खला शुरु भएको छ ।
खेलाडीहरूलाई हौसला बढाउन टीयू मैदान पुगेका मन्त्री अथकले एम्पायरलाई क्रिकेट बल प्रदान गरेर सिरिजको उद्घाटन गरेका हुन् ।
त्यस क्रममा मन्त्री अथकले नेपाल र पपुवा न्यूगिनी (पीएनजी) का खेलाडीहरूलाई शुभकामना दिएका थिए ।
नेपालले पीएनजी र मलेसियासँग त्रिकोणात्मक सिरिज खेल्दै छ । जसअन्तर्गत आज नेपालले पहिलो खेल पपुवा न्यूगिनी (पीएनजी) सँग खेलेको छ । यस्तै दोस्रो खेल मलेसियासँग खेल्ने तालिका रहेको छ ।
