काठमाडौं । इरानका राष्ट्रपति इब्राहिम रइसीले इरानविरुद्ध ‘सानो भन्दा सानो कदम’ पनि नचाल्न भन्दै इजरायललाई चेतावनी दिएका छन् ।
सोमबार राष्ट्रिय सेना दिवसको अवसरमा इरानी सेनाले स्वदेशमै निर्मित हतियार र प्रतिरक्षा प्रणाली प्रदर्शन गर्ने क्रममा यस्तो चेतावनी आएको हो ।
इरानको राजधानी तेहरानमा आयोजित ठूलो परेडमा राष्ट्रपति रइसी र अन्य इरानी सैन्य अधिकारीहरू सहभागी थिए।
इजरायललाई सम्बोधन गर्दै रइसीले भनेका छन्,'जियोनिस्ट शासनलाई हाम्रो सन्देश यो हो कि यदि तपाईँ यस क्षेत्रका केही देशहरूसँगको सम्बन्धलाई सामान्य बनाउँदै हुनुहुन्छ भने, तपाईँलाई थाहा हुनुपर्छ कि तपाईँको सानो चाल पनि हाम्रो गुप्तचर, सुरक्षा र सशस्त्र बलहरूबाट लुक्ने छैन ।'
'र तपाईँलाई थाहा हुनुपर्दछ कि यदि तपाईँले इरानी राष्ट्र विरुद्ध सानो भन्दा सानो कदम चाल्नुभयो भने, हाम्रो सशस्त्र सेनाको गन्तव्य जियोनिस्ट शासनको केन्द्र हुनेछ,' रइसीले कडा चेतावनी दिँदै भनेका छन् ।
इरानले गत महिना उत्तरी इराकको स्वायत्त कुर्द क्षेत्रको राजधानी एरबिलको एक साइटमा मिसाइल प्रहार गरेको थियो। इरबिलका गभर्नरले अस्वीकार गरे पनि तेहरानले इजरायलले उक्त साइट प्रयोग गरिरहेको दाबी गरेको छ।
