-
-
-
-
काठमाडौं। सीएनएन न्युज नेटवर्कको स्ट्रिमिङ सर्भिस सीएनएन प्लस सञ्चालनमा आएको एक महिनामै बन्द हुने भएको छ । सीएनएनका नयाँ सीईओ क्रिस लिच्टले बिहीबार अप्रिल ३० मा सीएनएन प्लस बन्द हुने घोषणा गरेका हुन् ।
सीएनएन प्लस कन्टेन्ट र कमजोर टिमका कारण नभएर उपभोक्ता अथवा आम मानिसले सामान्य किसिमले सहज सेवा र सबै सम्भवतः एकै ठाउँबाट चाहेको कुरालाई ध्यान दिँदै सञ्चालनमा आएको एक महिनामै बन्द हुन लागेको सीईओ लिच्टले बताएका छन् ।
तथापी कर्मचारीहरुले आगामी ३ महिनासम्मको तलब पाउने छन् । यस्तै सीएनएनमै काम मिल्न नसकेका र छोड्ने कर्मचारीलाई कम्पनीले ६ महिनाको सेवा सुविधा दिने भएको छ ।
कम्पनीले सीएनएन प्लसमार्फत फरक किसिमले प्रस्तुत हुने र दर्शकहरूमाझ समाचारलाई थप अन्तरक्रियात्मक कसरी बनाउने भन्ने कुरा पत्ता लगाउने प्रयास गरिरहेको थियो।
पछिल्लो वर्षहरुमा थुप्रै स्ट्रिमिङ सेवाहरु आउँदै हराउँदै गएका छन् । तर, सीएनएन जति छोटोसमयमा भने सायदै कोही बजारमा आएर बन्द भएको हो ।
