-
-
-
-
म्याग्दी । म्याग्दीमा सवारी दुर्घटना हुँदा एक युवकको ज्यान गएको छ । मृत्यु हुनेमा मालिका गाउँपालिका वडा नं. ५ गरजराका २३ वर्षीय भविन्द्र किसान रहेका छन् ।
मालिका गाउँपालिका वडा नं. ६ बाङ्गेपहिरोमा आज बिहान भएको मोटरसाइकल दुर्घटनामा किसानको मृत्यु भएको प्रहरीले जनाएको छ ।
दरवाङदेखि बाबियाचौरतर्फ जाँदै गरेको ग९प ७४७ नम्बरको मोटरसाइकल दुर्घटना हुँदा उनको मृत्यु भएको प्रहरी निरीक्षक राजन ढकालले जानकारी दिए ।
किसानको घटनास्थलमै मृत्यु भएको हो । मोटरसाइकलको पछाडि सवार मङ्गला गाउँपालिका-२ का २५ वर्षीय सन्तोष किसानलाई सामान्य चोट लागेको छ ।
बिहान ३ बजे मोटरसाइकल सडकबाट करिब १०० मिटर तल खसेको थियो । उक्त सडक खण्डमा हाल सडक स्तरोन्नतिको काम भइरहेको छ ।
