तीस लाख झ्वाम पारेको भन्दै प्रमुख प्रशासकीय अधिकृतसहित पाँच जनाविरुद्ध मुद्दा
हाम्रा कुरा
प्रकाशित २०७९ वैशाख २१ बुधबार
771
Shares
काठमाडौं । अख्तियार दुरुपयोग अनुसन्धान आयोगले मुगुको छायाँनाथ रारा नगरपालिकाका प्रमुख प्रशासकीय अधिकृत पिताम्बर सारुलगायत पाँच जना विरुद्ध भ्रष्टाचार मुद्दा दायर गरेको छ ।
अख्तियारले विशेष अदालत काठमाडौंमा बुधबार मुद्दा दायर गरेको हो । मुद्दा दायर गरेका अन्यमा इञ्जिनियर महेश सिंह, असिस्टेन्ट सव–इञ्जिनियर हस्तबहादुर मल्ल, उपभोक्ता समिति अध्यक्ष राममाया मल्ल र कोषाध्यक्ष रत्नादेवी हमाल रहेका छन् ।
छायाँनाथ रारा नगरपालिकाले वडा नं २ मा पर्ने पैदल बाटोमा पक्की सिंढी निर्माण गर्ने गरी आर्थिक वर्ष २०७४–०७५ मा विनियोजन भएको रकम हिनामिना गरेको भन्ने उजुरी परेपछि अख्तियारले अनुसन्धान शुरु गरेको थियो ।
अनुसन्धानमा उनीहरु सबै मिलेर २९ लाख ७७ हजार ८२१ रुपैयाँ ११ पैसा रकम हिनामिना गरेको पाइएको अख्तियारले जनाएको छ ।
