-
-
-
-
सर्लाही । सर्लाहीको हरिवन नगरपालिका–१० सुकेपोखरीमा मंगलबार राति बसको ठक्करबाट एक बेसहारा महिलाको मृत्यु भएको छ । मागी खाँदै हिँड्ने एक बेसहारा महिलाको घटनास्थलमै मृत्यु भएको हो ।
काँकरभिट्टाबाट काठमाडौं आउँदै गरेको ना ६ ख ३२६८ नम्बरको बसले पैदल हिँडिरहेकी अन्दाजी ४० वर्षीया महिलालाई ठक्कर दिँदा उनको घटनास्थलमै मृत्यु भएको हो । मृतकको सनाखत हुन बाँकी रहेको छ ।
ठक्कर दिने बससहित चालकलाई इलाका प्रहरी कार्यालय हरिवन सर्लाहीले नियन्त्रणमा लिएको छ ।
