-
-
-
-
काठमाडौं । सरकारले त्रिभुवन विश्वविद्यालयमा रहेको टीयू क्रिकेट मैदानलाई डे–नाइट क्रिकेट खेल्न मिल्ने गरी स्तरोन्नति गरिने भएको छ ।
अर्थमन्त्री जनार्दन शर्माले संसदको संयुक्त बैठकमा बजेट भाषण गर्दै मैदानलाई स्तरोन्नति गर्ने जनाएका हुन् । त्यस्तै मूलपानी क्रिकेट मैदान यसपालि सम्पन्न हुनेछ ।
सातै प्रदेशमा खेल मैदान बन्ने छन् । सरकारले आर्थिक वर्षका लागि २ अर्ब ९ करोड रुपैयाँमात्र राष्ट्रिय खेलकुद परिषदलाई छुट्टाएको छ ।
युवा तथा खेलकुद मन्त्रालयलाई जम्मा २ अर्ब ४६ करोड रुपैयाँमात्र बिनियोजन गरिएको छ ।
नवौं राष्ट्रिय खेलकुद आयोजनाका लागि रकम बिनियोजन गरिएको छ भने दशौंका लागि पूर्वाधार निर्माणका लागि रकम बिनियोजन गरेको अर्थमन्त्री शर्माले भनेका छन् ।
