-
-
-
-
लमजुङ । लमजुङमा टिपर दुर्घटनामा हुँदा ४ जना मजदूरको घटनास्थलमै मृत्यु भएको छ । मृत्यु भएका चार मजदूरमध्ये चालकको मात्र पहिचान खुलेको छ ।
टिपर चालक धादिङको गजुरी गाउँपालिका वडा नं. ६ भएका २७ वर्षका आकाश घिमिरे रहेका छन् । मृत्यु हुने सबै मध्यपहाडी लोकमार्ग निर्माणमा खटिएकाहरु मजदूर रहेको प्रहरीले जनाएको छ ।
मध्यनेपालको कल्याङबेंशीबाट रामबजारतर्फ आउने क्रममा बा४ख ७७८१ नम्बरको टिप्पर आज दिउसो ३ बजे मध्यपहाडी लोकमार्ग अन्तर्गतको मध्यनेपाल नगरपालिका वडा नं. ७ कोइलेनीमा दुर्घटना भएको हो ।
जिल्ला प्रहरी कार्यालय लमजुुङका सूचना अधिकारी जगदिश रेग्मीका अनुसार टिपर मध्यपहाडी लोकमार्गको सडकबाट करिब ३० मिटर तल खेतमा खसेको छ । टिपर दुर्घटना हुनुको कारण भने खुल्न सकेको छैन ।
