-
-
-
-
मकवानपुर । पूर्वपश्चिम महेन्द्र राजमार्गअन्तर्गत हेटौंडा-३ को तीनताप्के भन्ने ठाउँमा खुकुरा बोक्ने बोलेरो गाडी दुर्घटना हुँदा बोलेरोका चालकको मृत्यु भएको छ ।
आज दिउँसो बस्तिपुरबाट हेटौँडातर्फ आउँदै गरेको ना५च ३६२७ नम्बरको बोलेरो गाडी अनियन्त्रित भई दुर्घटनाग्रस्त हेटौंँडा-६ का ३३ वर्षीय गोपाल दाहालको मृत्यु भएको हो ।
एकदिन अघि पनि सोही ठाउँ नजिक ट्याक्टर दुर्घटना हुँदा चितवनको रत्ननगर-८ का ३१ वर्षीय सन्दिप अर्यालको ज्यान गएको थियो ।
हेटौंँडाबाट मनहरीतर्फ जाँदै गरेको ना२च २९५ नम्बरको ट्र्याक्टर अनियन्त्रित भई खोल्सामा पल्टिंदा चालक अर्यालको घटनास्थल मै मृत्यु भएको थियो ।
