भारत घरेलु मैदानमा लगातार दोस्रो खेलमा दक्षिण अफ्रिकासँग पराजित

हाम्रा कुरा

प्रकाशित २०७९ जेठ ३० सोमबार

काठमाडौं । अन्तर्राष्ट्रिय टी–२० क्रिकेट श्रृंखलाको दोस्रो खेलमा घरेलु टोली भारतलाई दक्षिण अफ्रिकाले ४ विकेटले पराजित गरेको छ । आइतबार जितसँगै दक्षिण अफ्रिकाले ५ खेलको श्रृंखलामा २–० को अग्रता बनाएको छ ।

भारतले दिएको १४९ रनको लक्ष्य दक्षिण अफ्रिकाले १८ ओभर २ बलमा ६ विकेट गुमाएर पूरा गरेको हो । दक्षिण अफ्रिकाको जितमा हेन्रिच क्लासेनले सर्वाधिक ८१ रन बनाए । भारतका भुवनेश्वर कुमारले सर्वाधिक ४ विकेट लिए ।

यसअघि टस हारेर पहिले ब्याटिङ गरेको भारतले २० ओभरमा ६ विकेट गुमाएर १४८ रन बनायो ।

भारतका श्रेयस ऐयरले ४० तथा इशान किशनले ३४ रन बनाए । दक्षिण अफ्रीकाका एन्रिच नोर्कियाले २ विकेट लिए ।

तेस्रो खेल मंगलबार विशाखापट्नममा हुनेछ । यो खेलमा पनि पराजित भए भारतले पाँच खेलको श्रृंखलामा दुई खेलअघि नै श्रृंखला गुमाउने छ । टिम ऋषभ पन्तको कप्तानीमा खेलिरहेको छ ।