-
-
-
-
पोखरा । जिल्ला प्रहरी कार्यालय कास्कीले एक बोर्डिङ स्कूलका सञ्चालकलाई आज पक्राउ गरेको छ । पक्राउ पर्नेमा माछापुच्छ्रे गाउँपालिका वडा नं. ४ स्थित ज्ञानज्योति बोर्डिङ स्कूलका सञ्चालक ४८ वर्षका रामचन्द्र शाही रहेका छन् ।
शाही विद्यालयमा अध्ययनरत विद्यार्थीलाई यौन दुर्व्यवहार गरेको आरोपमा पक्राउ परेका हुन् । शाहीले विद्यार्थीमाथि बाल यौन दुर्व्यवहार गरेको भन्ने उजुरी परेपछि उनलाई पक्राउ गरिएको कास्की प्रहरीले जनाएको छ ।
पक्राउ परेका शाही विरुद्ध बाल यौन दुरुपयोग, अप्राकृतिक मैथुन तथा बालबालिका सम्बन्धी कसुरमा कास्की जिल्ला अदालतबाट पाँच दिनको म्याद लिएर अनुसन्धान शुरु गरिएको प्रहरीले जनाएको छ ।
