-
-
-
-
काठमाडौं । हिजो स्थगित भएको नेकपा माओवादी केन्द्रको केन्द्रीय समिति बैठक आज बस्दै छ । बैठक पदाधिकारी टुङ्गाउनका लागि आन्तरिक गृहकार्य भन्दै हिजो स्थगित भएको बैठक आज दिउँसो १ बजे बस्न लागेको हो ।
अध्यक्ष पुष्पकमल दाहाल प्रचण्डको निवास खुमलटारमा मङ्गलवार दिनभर आन्तरिक छलफल गरेको माओवादीले आजको बैठकमार्फत पदाधिकारीसहितको विषय टुङ्ग्याउने तयारी गरेको छ ।
पूर्व स्थायी कमिटी र इन्चार्जहरूको बैठकले पार्टीको पोलिट्ब्यूरो, स्थायी कमिटी र पदाधिकारीको नाम प्रस्ताव गर्ने जिम्मा अध्यक्ष प्रचण्डलाई दिएपछि आज त्यसअनुसार अध्यक्षले बैठकमा पेस गर्ने भएको छ ।
