-
-
-
-
काठमाडौं । बजेटमा करको दर हेरफेर गरेको आरोपमा अर्थमन्त्री जनार्दन शर्मा विवादित बनेसँगै अर्थ मन्त्रालयका सचिव मधुकुमार मरासिनी बिदामा बसेका छन् ।
मन्त्रालयमा बजेट निर्माणमा अनधिकृत व्यक्ति छिराई निश्चित स्वार्थ समूहलाई फाइदा पुऱ्याउने काम गरेको आरोप मन्त्री तथा मन्त्रालयका शीर्ष कर्मचारीमा छ । सचिव मरासिनीले प्रधानमन्त्रीसँग भेटेरै बिदा बसेको बुझिएको छ ।
सचिव मरासिनी महालेखा नियन्त्रकको कार्यालयबाट अर्थ मन्त्रालयमा सरुवा भएर आएका थिए । उनीसँग २५ वर्ष भन्दा बढी अर्थ मन्त्रालय र सम्बद्ध निकायमा काम गरेको अनुभव छ ।
हालै बजेट निर्माणको रातको सीसीटीभी फुटेज नभएको अर्थ मन्त्रालयले जानकारी दिएपछि अर्थमन्त्रीसहित अन्य व्यक्तिको संलग्नताको शङ्का गरिएको छ । यसैबीच सचिव बिदा बसेका हुन् ।
