काठमाडौं । एक दिवसीय क्रिकेटमा भारतले इङ्गल्याण्डविरुद्ध कीर्तिमान रचेको छ । भारतले मंगलबार भएको पहिलो एक दिवसीयमा इङ्गल्याण्डलाई १० विकेटले हरायो । भारतले ४८ वर्षको एक दिवसीय इतिहासमा पहिलो पटक इङ्गल्याण्डलाई १० विकेटले हराएको हो ।
भारतले इङ्गल्याण्डविरुद्ध पहिलो पटक सन् १९७४ मा एक दिवसीय खेलेको थियो । त्यसयता पहिलो पटक भारतले १० विकेटले हराएको हो ।
द ओभलमा भएको खेलमा १११ रनको झिनो चुनौती लिएर मैदानमा उत्रिएको भारतले १८.४ ओभरमै विना कुनै विकेटको क्षतिमा पूरा गरेको हो ।
कप्तान रोहित शर्माले ५८ बलमा अविजित रहँदै ७६ तथा शिखर धवनले ५४ बलमा ३१ रन बनाए ।
यसअघि पहिले ब्याटिङ गरेको इङ्गल्याण्डले निकै खराव प्रदर्शन गर्ने क्रममा २५.२ ओभरमात्र क्रिजमा टिकेर ११० रनमात्र बनाउन सक्यो ।
कप्तान जोस बट्लरले सर्वाधिक ३० रन बनाएको इनिङ्सलाई सस्तैमा समेट्ने क्रममा प्लेयर अफ द म्याच जसप्रिम बुमराहले मात्र १९ रन खर्चेर ६ विकेट लिए ।
त्यसैगरी मोहम्मद शामीले ३ तथा प्रसिद्ध कृष्णले १ विकेट लिए । यो जितसँगै भारतले तीन खेलको श्रृंखलामा १–० को अग्रता लिएको छ ।
