-
-
-
-
काठमाडौं । काठमाडौं उपत्यकामा दैनिक जसो वर्षा हुँदै आएको छ । आज पनि बिहान केही स्थानमा वर्षा भएको छ ।
उपत्यकासहित आज बिहान देशका केही स्थानहरूमा मेघगर्जन, चट्याङसहित हल्कादेखि मध्यम वर्षा भइरहेका छन् ।
आज सुदूरपश्चिम, लुम्बिनी, गण्डकी ,बागमती र मधेस प्रदेशका थोरै स्थानहरूमा पनि भारी वर्षाको सम्भावना रहेको छ ।
प्रदेश १, बागमती प्रदेश तथा गण्डकी प्रदेश भूभागका एक-दुई स्थानमा हल्कादेखि मध्यम वर्षा भइरहेको छ ।
भारी वर्षाको सम्भावना रहेका पहाडी भू-भागमा पहिरो तथा गेग्रान बहावको जोखिम रहेको साथै नदी नाला तथा खहरे खोलाहरूमा पानीको सतह बढ्न सक्ने भएकोले सतर्कता अपनाउन महाशाखाले अनुरोध गरेको छ ।
