भारतले वेष्ट इन्डिजलाई २ विकेटले हराउँदै बनायो रेकर्ड
हाम्रा कुरा
प्रकाशित २०७९ साउन ९ सोमबार
812
Shares
काठमाडौं । भारतले दोस्रो एक दिवसीय खेलमा वेष्ट इन्डिजलाई २ विकेटले पराजित गरेको छ । योसँगै भारतले तीन खेलको शृङ्खलामा २-० को अग्रता लिएको छ ।
टस जितेर पहिले ब्याटिङ गरेको वेष्ट इन्डिजको टोलीले निर्धारित ५० ओभरमा ६ विकेट गुमाएर ३११ रन बनाएको थियो । शाइ होपले ११५ रनको इनिङ्स खेले । कप्तान निकोलस पुरनले ७४ रन बनाए ।
भारतका लागि शार्दुल ठाकुरले सर्वाधिक तीन विकेट लिए ।
जवाफमा भारतीय टोलीले ४९.४ ओभरमा ८ विकेट गुमाएर लक्ष्य पूरा गर्यो ।
भारतका लागि अक्षर पटेलले ६४ रन बनाए । सोही क्रममा श्रेयस अय्यरको ब्याटबाट ६३ रन बन्याे । सञ्जु सामसनले आफ्नो एक दिवसीय करियरको पहिलो अर्ध शतक बनाएका थिए । उनले ५४ रन जाेडे ।
एक दिवसीय क्रिकेटमा वेष्ट इन्डिजमाथि भारतको यो लगातार १२ औँ शृङ्खला जित हो। योसँगै टिम इन्डियाले लगातार सबैभन्दा बढी सिरिजमा कुनै एक टोलीलाई हराउने विश्व कीर्तिमान बनाएको छ ।
यसअघिको कीर्तिमान पाकिस्तानको नाममा थियो । पाकिस्तानले जिम्बावेलाई लगातार ११ एक दिवसीय सिरिजमा पराजित गरेको थियाे ।
