माओवादीको बैठक बस्दै, अर्थमन्त्रीको नाम टुङ्गो लगाउँदै

हाम्रा कुरा

प्रकाशित २०७९ साउन १५ आइतबार

काठमाडौं । सत्तारुढ दल नेकपा माओवादी केन्द्रको स्थायी समितिको बैठक आज दिउँसो ३ बजे बस्ने भएको छ । पार्टी केन्द्रीय कार्यालय पेरिसडाँडामा बस्ने बैठकमा अर्थमन्त्रीमा कसलाई पठाउने भन्ने विषयमा छलफल केन्द्रित हुने माओवादी केन्द्रले जनाएको छ ।

यसअघि माओवादीबाट अर्थमन्त्री बनेका जनार्दन शर्मा बजेट निर्माणको समय अनधिकृत व्यक्तिलाई प्रवेश गराएको आरोप लागेपछि राजीनामा दिएका थिए । यद्धपी जनार्दनलाई संसदीय छानबिन विशेष समितिले चोख्याउने काम गरिसकेको छ ।

विशेष समितिले तत्कालीन अर्थमन्त्री जनार्दन शर्माको संलग्नता पुष्टि हुन नसकेको प्रतिवेदन बुझाएपछि पुनः शर्मालाई नै अर्थ मन्त्रालयको जिम्मेवारी दिने वा अरू कुनै नेतालाई पठाउने भन्ने बारेमा छलफल हुने भएको छ ।