-
-
-
-
काठमाडौं । पहिरोका कारण नारायणगढ-मुग्लिन सडक अवरुद्ध भएको छ ।
लगातारको वर्षापछि नारायणगढ-मुग्लिन सडक खण्ड चितवनको विभिन्न स्थानमा लेदोसहितको पहिरो खसेको छ ।
रुखसहित ठूलो पहिरो खसेपछि गए राति ११ बजेदेखि राजमार्ग अवरुद्ध भएको हो ।
चितवनको भरतपुर २९ केराबारी, ईच्छाकामना ६, त्यस्तै सत्रकिलोमा पहिरो गएको जिल्ला प्रहरी कार्यालय चितवनले जनाएको छ ।
अहिले पहिरो पन्छाउने काम भइरहेको जिल्ला प्रहरी कार्यालयका प्रहरी नायब निरीक्षक रविन विष्टले जानकारी दिए। तर लगातारको वर्षाको कारण समय लाग्ने उनले बताए ।
सडक अवरुद्ध भएसँगै सवारीसाधनको लाइन लागेको छ ।
