-
-
-
-
काठमाडौं । मोहन वैद्य ‘किरण’ र धर्मेन्द्र बास्तोला ‘कन्चन’ को पार्टीबीच एकता हुने भएको छ ।
मोहन वैद्यको नेपाल कम्युनिष्ट पार्टी (क्रान्तिकारी माओवादी) र धर्मेन्द्र बास्तोलाको नेकपा बहुमतले पार्टीबीच एकता हुने भएको हो ।
शुक्रवार बिहान बसेको संयुक्त बैठकले पार्टी एकता गर्ने निर्णय गरेको विज्ञप्तिमार्फत जानकारी दिइएको छ ।
संयुक्त प्रेस विज्ञप्ति जारी गर्दै एकता प्रक्रियालाई अघि बढाउन संयोजन समिति गठन पनि गरेको जानकारी दिए ।
एकता प्रक्रियालाई अघि बढाउन १२ सदस्यीय संयोजन समिति गठन गरिएको छ ।
समितिमा किरणको पार्टीबाट किरण, सिपी गजुरेल,इन्द्र मोहन सिग्देल, रामसिंह श्रीस र हरिभक्त कँडेल रहेका छन् ।
त्यस्तै कन्चनको पार्टीबाट धर्मेन्द्र बास्तोला, दीपक चलाउने, हेमन्तप्रकाश वली, कृष्ण धमला, देवकला अधिकारी र गुणराज लोहनी सदस्य रहेका छन् ।
उनीहरूले पार्टी एकता प्रक्रियामा सामेल हुन पार्टी सङ्गठन र नेता-कार्यकर्तालाई आह्वान गरेका छन् ।
