चीनमाथि प्रतिआक्रमणका लागि जापानले एक हजार क्षेप्यास्त्र तैनाथ गर्दै

हाम्रा कुरा

प्रकाशित २०७९ भदौ ५ आइतबार

काठमाडौं । जापानले चीन विरुद्धको प्रतिआक्रमण क्षमता बढाउने उद्देश्यले लामो दूरीका एक हजार क्रुज मिसाइल तैनाथ गर्ने तयारी गरिरहेको त्यहाँको योमिउरी अखबारले आइतबार उल्लेख गरेको छ ।

विद्यमान एक सय किलोमिटरको क्षमताका मिसाइल प्रतिस्थापन गर्दै एक हजार किलोमिटरसम्म क्षमताको क्षेप्यास्त्रहरु तैनाथ गर्नेबारे छलफल चलेको सरकारी स्रोतहरू उद्धृत गर्दै योमिउरी दैनिक अखबारले उल्लेख गरेको हो ।

जहाज वा विमानबाट लन्च गर्न सकिने ती हतियारहरू मुख्यतया दक्षिणी नान्सेई टापुहरू वरपर राखिने र त्यहाँबाट सिधै उत्तर कोरिया र चीनको तटीय क्षेत्रसम्म प्रहार गर्न सकिने क्षमता रहने योमिउरीले लेखेको छ ।

जापानको विदेश मन्त्रालयका प्रतिनिधिहरूले यस प्रतिवेदनमा तत्काल कुनै टिप्पणी गरेका छैनन् । युद्धपछिको आफ्नो युद्ध परित्यागको संविधानले आत्मरक्षाको लागि मात्र आफ्नो सेना प्रयोग गर्न सक्छ भन्ने जापानले पछिल्लो समय सैन्य खर्च बढाउँदै लगेको छ भने, थप दृढ रणनीति लिएको छ। तर, यसले अर्काे देशको सीमामा प्रहार गर्न सक्ने लामो दुरिका हतियार अहिलेसम्म तैनाथ गरेको छैन ।

यस महिना अमेरिकी प्रतिनिधि सभाकी अध्यक्ष न्यान्सी पेलोसीले स्वशासित तर चीनले दाबी गरेको ताइवानको भ्रमण गरेपछि यहाँ क्षेत्रीय तनाव बढेको छ। बेइजिङले ताइवान नजिक र जापानको विशेष आर्थिक क्षेत्रमा पर्ने समुद्रमा मिसाइलहरू प्रक्षेपण गरेको थियो ।