-
-
-
-
प्यूठान । प्यूठानको सरुमारानी गाउँपालिका–४ मा आज गाडी (विङ्गर) दुर्घटना हुँदा चालकसहित १० जना घाइते भएका छन् ।
दाङको भालुवाङबाट प्यूठानको बाग्दुला तर्फ जाँदै गरेको लु २ ख ३५६९ नम्बरको विङ्गर आज बिहान ११ बजे अनियन्त्रित भई सडकबाट २० मिटर तल खसेको थियो ।
घाइतेमध्ये प्यूठानको ऐरावती गाउँपालिका–२ बस्ने ज्ञानहरि भुषालका चार वर्षीय छोरा प्रमिसको अवस्था गम्भीर रहेको छ ।
घाइते ६ जनालाई उपचारको लागि बुटवल पठाइएको छ । तीन जनाको स्थानीय साझा पोलिक्लिनिक र एक जनाको जिल्ला अस्पताल प्यूठानमा उपचार भइरहेको छ ।
