- सुन चाँदी दर
- विनिमय दर
- नेपाली पात्रो
- राशिफल
काठमाडौं । राष्ट्रपति विद्यादेवी भण्डारीले मन्त्रिपरिषद्को बैठकमा प्रस्तुत एजेण्डाको बारेमा चासो राखेकी छिन् । प्रधानमन्त्री तथा मन्त्रिपरिषदको कार्यालयलाई लिखित रुपमा नै पत्र पठाउँदै राष्ट्रपति भण्डारीले मन्त्रिपरिषद बैठकमा प्रस्तुत हुने प्रस्तावका बारेमा चासो राखेको प्रधानमन्त्री कार्यालयका एक उच्च अधिकारीले जानकारी दिए ।
‘प्रधानमन्त्री कार्यालयलाई पत्रचार गरेर बैठकका विषयमा जानकारी गराउन आग्रह गरिएको छ’, स्रोतले भन्यो । संविधानको धारा ८१ लाई टेकेर राष्ट्रपति भण्डारीले क्याबिनेट बैठकका एजेण्डाहरु शुरुमा नै आफूलाई जानकारी गराउन आग्रह सहितको पत्र प्रधानमन्त्री तथा मन्त्रिपरिषद्को कार्यालयमा पठाएकी स्रोतको दाबी छ ।
संविधानको धारा ८१ उल्लेख गर्दै आफूलाई जानकारी गराउनुपर्ने विषय राष्ट्रपतिले पत्रमा उठाएकी हुन् । धारा ८१ मा प्रधानमन्त्रीले देहायका विषयहरुमा राष्ट्रपतिलाई जानकारी गराउनुपर्ने उल्लेख छ ।
त्यस्तो विषयमा मन्त्रिपरिषद्को निर्णय, संघीय संसदमा पेश गरिने विधेयक, यी दुई कुरामा उल्लेखित विषयमा राष्ट्रपतिले जानकारी मागेको स्रोतको दाबी छ ।
राष्ट्रपति भण्डारीले गत असोज ५ बजे प्रधानमन्त्री कार्यालयलाई लिखित पत्र नै लेखेकी थिइन् ।
नागरिकता विधेयक प्रमाणीकरण नगरेर संविधानको उल्लंघन गरेकी भण्डारीले आफूलाई एक कदम अगाडि बढाउँदै मन्त्रिपरिषद्सँग निहूँ खोजेको प्रधानमन्त्री कार्यालयको बुझाइ छ ।
सर्वोच्च अदालतलेसमेत दुई पटकसम्म संसदबाट पारित भएर आएको नागरिकता विधेयकलाई किन प्रमाणीकरण नगरेको भनी कारण देखाउ आदेश जारी गरेको छ ।