संविधान उल्लङ्घन भएको खुसीयाली मनाउँदै नेकपा एमाले

हाम्रा कुरा

प्रकाशित २०७९ असोज १२ बुधबार

काठमाडौँ। प्रमुख प्रतिपक्ष दल नेकपा एमालेले संविधान उल्लङ्घन भएको दिनको अवसरमा उत्सव मनाएर प्रदर्शन गरिरहेको छ। राष्ट्रपति विद्यादेवी भण्डारीले नागरिकता विधेयकलाई प्रमाणीकरण नगरेर संविधानको गम्भीर उल्लङ्घन गर्दै व्यवस्थामाथि नै प्रहार गरेकी छन्।

राष्ट्रपतिले संविधानमाथि गरेको यस प्रहारको उत्सवमा नेकपा एमाले लागिरहेको छ। नेकपा एमाले निकट विद्यार्थी सङ्गठन अनेरास्ववियुले राष्ट्रपति विद्यादेवी भण्डारीको समर्थनमा काठमाडौँमा प्रदर्शन गरेको छ। अनेरास्ववियुले त्रिचन्द्र क्याम्पस घण्टाघरमा प्रदर्शन गरेको हो ।

सांसदले दोस्रो पटक पारित गरेर पठाएको नागरिकता विधेयक राष्ट्रपति भण्डारीले प्रमाणीकरण नगरी १५ दिन बिताएपछि उनले संविधानको अवज्ञा गरेकी छन्। विगतमा पनि संसद्को घाँटी निमोठेर संविधान मास्ने ओलीको योजनालाई साथ दिएको राष्ट्रपति भण्डारीले अहिले आफैँ संविधानभन्दा माथि रहेको सन्देश दिएकी छन्।