-
-
-
-
हराएर पाउनेको मजा चर्को हुन्छ
रोएर हाँस्नुको मजा अर्को हुन्छ
हार्नु त जीवनको एक पक्ष
हारेर जित्नुको मजा अर्को हुन्छ ।
सताएर मिल्नुको मजा चर्को हुन्छ
भत्काएर बनाउनको मजा अर्को हुन्छ
सर्नु त जीवनको एक पक्ष
सरेर बस्नुको मजा अर्को हुन्छ ।
नबोलेर बोल्नुको मजा चर्को हुन्छ
नसोचेर मिल्नुको मजा अर्को हुन्छ
प्यार त जीन्दगीको एक पक्ष
गाँसेर ज्युनुको मजा अर्को हुन्छ ।
(पूर्वराजा ज्ञानेन्द्र शाहको हालै प्रकाशित दुई मुटु यौटा बाटो कविता सँगालोबाट)
