-
-
-
-
काठमाडौं । घरेलु टोली पाकिस्तानविरुद्धको ७ खेलको टी–२० क्रिकेट शृंखला भ्रमणकारी टोली इङ्गल्याण्डले ४–३ ले जितेको छ । आइतबार राति अन्तिम खेल इङ्गल्याण्डले ६७ रनले जित्यो । २ सय १० रनको लक्ष्य पछ्याएको पाकिस्तान २० ओभरमा ८ विकेट गुमाएर १ सय ४२ रनमा समेटियो ।
पाकिस्तानका शान मासुदले ५६ रन तथा खुशदिल शाहले ३७ रन बनाए । इङ्गल्याण्डका क्रिस वोक्सले ३ विकेट लिए । यसअघि टस हालेर पहिले ब्याटिङ गरेको इङ्गल्याण्डले २० ओभरमा ३ विकेट गुमाएर २ सय ९ रन बनाए ।
इङ्गल्याण्डका डेविड मालनले अविजित ७८ रन बनाए । ह्यारी ब्रुकले अविजित ४६ रनको योगदान गरे । पाकिस्तानका मोहमद हस्नेनले १ विकेट लिए ।
