-
-
-
-
हेटौंडा । राप्रपा नेपालका अध्यक्ष कमल थापाले उम्मेदवारी दर्ता गराएका छन् । उनले मकवानपुर क्षेत्र नम्बर १ बाट उम्मेदवारी दर्ता गराएका हुन् ।
उनको समर्थकमा गुरुप्रसाद सापकोटा र प्रस्तावकमा राजाराम बर्तौला रहेका हुन् । नेता थापाको साथमा उनका भाइ गणेश थापा पनि रहेका थिए ।
नेता थापाले नेकपा एमालेको चुनाव चिन्ह सूर्यबाट चुनाव लड्ने छन् ।
एमालेमा विरोध
नेकपा एमाले मकवानपुरमा तालाबन्दी गरिएको छ । एमाले नेता तथा कार्यकर्ताले मध्यान्हमा हेटौंडा ५ मा रहेको पार्टी कार्यालयमा ताला लगाएका हुन् ।
मकवानपुर क्षेत्र नम्बर १ मा रामेश्वर रानालाई हटाएर केपी शर्मा ओलीले राप्रपा नेपालका अध्यक्ष कमल थापालाई उम्मेदवार बनाउने भएपछि रुष्ट बनेका नेता तथा कार्यकर्ताले ताला लगाएका हुन् ।
पार्टी कार्यालयमा उपस्थित युवा कार्यकर्ता आक्रोशित बन्दै कमल थापालाई कुनै पनि हालतमा भोट हाल्न नसकिने बताएका छन् ।
अहिले पार्टी कार्यालयमा ठूलो संख्यामा एमाले नेता तथा कार्यकर्ता उपस्थित भएका छन् ।
