पोखरा । नवौं राष्ट्रिय खेलकुदमाअन्तर्गत तनहुँमा भएको महिला वास्केटवल प्रतियोगितामा आर्मीले विजयी शुरूआत गरेको छ । प्रतियोगिताको उद्घाटन खेलमा त्रिभुवन आर्मीले मधश प्रदेशलाई ७१-१३ को फराकिलो अन्तरमा पराजित गरेको हो ।
महिला वास्केटवल प्रतियोगिताको पहिलो चरणमा आर्मीले २२-० को फराकिलो अन्तर बनाएको थियो । दोस्रो, तेस्रो र चौथो चरणमा पनि आर्मीले निरन्तर अग्रता कायम गरि सहज रूपमा जित हासिल गरेको हो । जहाँ आर्मीले क्रमशः २२-६, १४-४ र १३-३ को अंक प्राप्त गरेको थियो ।
प्रतियोगिता अवधिभरमा मधेश प्रदेशबाट पुष्प बानले ७ अंक जोडेकी छिन् भने आर्मीबाट रोशनी श्रेष्ठले २१ अंक जोडेकी थिइन् ।
शनिबार थ्रि बाइ थ्रि बास्केटबल प्रतियोगितामा बागमती प्रदेश र मधेश प्रदेश, आर्मी र लुम्बिनी प्रदेश, सुदूरपश्चिम र प्रदेश-१, एपिएफ (सशस्त्र) र गण्डकी प्रदेश बीच हुनेछ ।
साथै महिला वास्केटवलअन्तर्गत बागमती प्रदेश र प्रदेश-१, त्रिभुवन आर्मी र सुदूरपश्चिम बिच खेल हुने आयोजकले जनाएको छ ।
