-
-
-
-
पोखरा । नवौं राष्ट्रिय खेलकुद प्रतियोगिताअन्तर्गत महिला बास्केटबलमा प्रदेश नं. १ विरुद्ध बागमती प्रदेशले शानदार जीत हासिल गरेको छ ।
शनिबार भएको खेलमा प्रदेश नं. १ विरुद्ध ७५-२४ को अन्तरमा बागमतीले जित हासिल गरेको हो ।
प्रतियोगिताको पहिलो चरणमा बागमतीले १७-६ को अन्तर बनाएको थियो ।
दोस्रो चरणमा बागमती प्रदेशले २३-३ को फराकिलो अन्तर बनायो ।
त्यसपछिको तेस्रो र चौथो चरणमा पनि बागमतीले क्रमशः २२-८ र १३-९ को अन्तर बनायो ।
प्रतियोगितामा बागमती प्रदेशलाई जीत हासिल गराउन विनामणि योञ्जनले १३ अंक जोडेकी थिइन् ।
