-
-
-
-
स्याङ्जा । नवौं राष्ट्रिय खेलकुद प्रतियोगिताअन्तर्गत महिला फुटबल प्रतियोगिताको दास्रो खेलमा प्रदेश नंं. १ विजयी भएको छ ।
स्याङ्जाको वालिङमा भएको खेलमा प्रदेश नं. १ ले घरेलु टोली गण्डकी प्रदेशलाई २-१ गोल अन्तरले पराजित गर्दै जित हात पारेकोे हो ।
शनिबारको खेलमा अञ्जना थुलुङ राईले ३६औँ मिनेटमा गोल गर्दै प्रदेश नं. १ लाई अग्रता दिलाइन् ।
दोस्रो हाफको ६३ औँ मिनेटमा प्रदेश नं. १ की नै अनिता गुरुङले थप १ गोल गर्दै प्रदेश नं. १ लाई जित नजिक पुर्याइन् ।
खेलको उत्तरार्द्धको ८१ औँ मिनेटमा गण्डकी प्रदेशकी शान्ति नेपालीले घरेलु टोली गण्डकी प्रदेशको तर्फबाट सान्त्वना गोल गरिन् ।
