-
-
-
-
काठमाडौं । अष्ट्रेलियामा जारी आईसीसी टी–२० विश्वकप क्रिकेटमा अहिले भारत र पाकिस्तान भिडिरहेका छन् । खेल जित्न भारतले १६० रनको चुनौती पछ्याइरहेको छ ।
खेलमा भारतले टस हारेर पहिले बलिङ गर्यो । पाकिस्तानले आक्रामक ब्याटिङ गरेको भए पनि ८ विकेटको क्षतिमा १५९ रन बनाउन सक्यो ।
मेलबर्नमा पाकिस्तानका लागि शान मसुदले ४२ बलमा अविजित रहँदै ५२ रन बनाए । त्यस्तै इफ्तिखार अहमदले ३४ बलमा ५१ रन बनाए ।
शहीन शाह अफ्रिदीले ८ बलमा १६ रन बनाए । अर्शदीप सिंह र हार्दिक पाण्डेयाले ३–३ विकेट लिए । त्यस्तै भुवनेश्वर कुमार र मोहम्मद शमीले १–१ विकेट लिए ।
टी–२० को सुपर १२ मा भारत र पाकिस्तान समूह २ मा रहेका छन् ।
