यादव मधेस विरोधी भएको भन्दै मतदान नगर्ने मतदाताहरुको अडान

हाम्रा कुरा

प्रकाशित २०७९ कार्तिक ६ आइतबार

वीरगञ्ज । जनता समाजवादी पार्टी जसपा मधेस विरोधी पार्टी भएको भन्दै मतदाताहरुले यादवको पक्षमा मतदान नगर्न अडान लिएका छन् । मधेसको नाममा विभिन्न फन्डा गर्दै आएका प्रदीप यादवले यसपालिको निर्वाचनमासमेत सबै दलसँग गद्दारी गरेको भन्दै मतदाताले मत नदिने अडान लिएका हुन् ।

स्थानीय तहको निर्वाचनका साथै जिल्ला विकास समन्वय समितिको निर्वाचनमा समेत जसपाबाट प्रदीप यादवले आफ्नै पक्षधरसँग गद्दारी गरेका कारण आफूहरुले यसपालि यादवका पक्षमा मत नदिने मतदाताहरु बताउँछन् ।

उनीहरुका अनुसार यादव मात्र दलका गद्दार होइनन् उनी मधेस विरोधीसमेत हुन् । मधेसको नाममा आन्दोलन गराई यादवले आफ्नो दुनो सेक्ने बाहेक केही गर्न नसकेको मतदाताहरुले आरोप लगाएका छन् ।