- सुन चाँदी दर
- विनिमय दर
- नेपाली पात्रो
- राशिफल
काठमाडौं । उत्तर कोरियाली बिहीबार एक ब्यालेस्टिक मिसाइल प्रहार गर्दै अमेरिकालाई चेतावनी दिएको छ । कोरियाली प्रायद्धिपमा आफ्नो सहयोगी (दक्षिण कोरिया)सँग मिलेर अमेरिकाले सुरक्षा उपस्थिति बढाउन खोजिरहेको भन्दै उत्तर कोरियाले 'उग्र सैन्य प्रतिक्रिया' दिने चेतावनी दिएको हो ।
दक्षिण कोरियाको सेनाले उत्तरको पूर्वी तटीय सहर वोनसानबाट बिहान १० बजेर ४८ मिनेटमा ब्यालेस्टिक मिसाइल प्रक्षेपण गरिएको जनाएको छ।
हालै दक्षिण कोरिया र संयुक्त राज्य अमेरिकाले संयुक्त सैन्य अभ्यास गरेपछि उत्तर कोरियाले समुद्रमा सयौँ तोपखाना गोलाहरू एवं मिसाइल प्रहार गरेको छ । जसमध्ये केही जापानी क्षेत्र नजिकसमेत परेका थिए ।
उत्तर कोरियाका विदेश मन्त्री चो सन हुईले संयुक्त राज्य अमेरिका, दक्षिण कोरिया र जापानबीच भर्खरै भएको त्रिपक्षीय शिखर सम्मेलनको आलोचना गरेको दुई घण्टाभन्दा कम समयपछि मिसाइल प्रहार भएको हो ।