समानुपातिकमा एमाले–कांग्रेसले पाँच लाख मत कटाए, यी हुन् १० हजार बढी मत ल्याउने दल

हाम्रा कुरा

प्रकाशित २०७९ मंसिर ८ बिहिबार

काठमाडौं । प्रतिनिधि सभाको समानुपातिकतर्फको मतगणनामा नेकपा एमालेले अग्रतालाई फराकिलो बनाउँदै लगेको छ । निर्वाचन आयोगले सार्वजनिक गरेको पछिल्लो विवरण अनुसार एमालेले तीव्र गतिमा मत बटुलिरहेको छ ।

एमालेले ५ लाख ४५ हजार ९०९ मत पाएको छ । दोस्रो स्थानमा रहेको नेपाली कांग्रेसले ५ लाख ९ हजार ८९८ मत ल्याएको छ ।

राष्ट्रिय स्वतन्त्र पार्टी २ लाख ८१ हजार ४५२ मतसहित तेस्रो स्थानमा छ । माओवादी केन्द्र २ लाख ५३ हजार ५९५ मतसहित चौथो स्थानमा रहेको छ ।

राप्रपा १ लाख ५० हजार ९८६ मतसहित पाँचौं, जसपा ६४ हजार २२८ मतसहित छैटौं तथा नेमकिपा ५१ हजार १५१ मतसहित सातौं, नागरिक उन्मुक्ति पार्टी ३७ हजार ७४३ मतसहि आठौं, जनमत पार्टी ३६ हजार ३७० मतसहित नवौं तथा नेकपा एस ३५ हजार ४२७ मतसहित दशौं स्थानमा छ ।

११ औं स्थानको हाम्रो नेपाली पार्टीले २१ हजार ४४५ मत, १२ औं स्थानको लोकतान्त्रिक समाजवादी पार्टी नेपालले २० हजार ९५५ मत, १३ औं स्थानको राष्ट्रिय जनमोर्चाले १४ हजार २४६ मत तथा १४ औं स्थानको मंगोल नेशनल अर्गनाइजेशनले १० हजार ६७२ मत ल्याएको छ ।

प्रदेशतर्फ प्रदेश १ मा एमाले, मधेसमा कांग्रेस, बागमतीमा एमाले, गण्डकीमा एमाले, लुम्बिनीमा एमाले, कर्णालीमा माओवादी केन्द्र र सुदूरपश्चिममा नागरिक उन्मुक्ति पार्टी अग्रस्थानमा छ ।