सेनाको रोहबरमा मतगणना, प्रतिनिधि बिना नै थालियो विवादित मत गन्न

नारायण वली,

प्रकाशित २०७९ मंसिर ९ शुक्रबार

बुटवल । विवादका बीच रुपन्देहीको प्रतिनिधि सभा निर्वाचन क्षेत्र नम्बर २ को मतगणना पुनः शुरु भएको छ । निर्वाचन आयोगले मतगणना गर्न निर्देशन दिएपछि रोकिएको मत पुनः गणना गर्न शुरु भएको छ ।

मत गणना गर्दा नेपाली सेनाको रोहबरमा गरिएको छ । मतपेटिकामा मुचुल्कामा भन्दा बढी मतपत्र देखिएपछि नेपाली कांग्रेससहितका नौ दलले पुनः मतदान गर्न माग गरेका थिए । ८१ हजार मतमध्ये ६ हजार मत गन्न बाँकी छँदा मतगणना अवरुद्ध भएको थियो ।

कांग्रेससहित ९ दलले गरे रुपन्देही २ मा पुनः मतदानको माग

मतगणना अवरुद्ध हुनुअघि एमालेका उम्मेदवार विष्णु पौडेल एक हजार बढी मतले अग्रता लिँदा दोस्रो स्थानमा राष्ट्रिय स्वतन्त्र पार्टीका गणेश पौडेल र तेस्रो स्थानमा सत्ता गठबन्धन समर्थन पाएका राष्ट्रिय जनमुक्ति पार्टीका केशवबहादुर थापा छन् ।