-
-
-
-
पोखरा । जिल्ला प्रहरी कार्यालय कास्कीले विदेश पठाइदिन्छु भन्दै ठगी गर्ने एक जनालाई पक्राउ गरेको छ ।
पक्राउ पर्नेमा कालिकोट साविक बदालकोट गाविस वडा नं. २ घर भइ हाल जिल्ला कैलाली घोडाघोडी नगरपालिका वडा नं. २ बस्ने वर्ष २२ का कपिल शाही रहेका छन् ।
शाहीले वैदेशिक रोजगारको सिलसिलामा युरोप पठाई दिन्छु भनि विभिन्न तवरबाट ललाई फकाई विश्वास दिलाई रकम लएर सम्पर्कविहीन भएको आरोप छ ।
विदेश पठाउने भन्दै तीन लाख ५० हजार रुपैयाँ लिएर सम्पर्कविहीन भएको भन्ने जाहेरी परेपछि शाहीलाई पक्राउ गरिएको प्रहरी निरीक्षक ज्ञानबहादुर खड्काले जानकारी दिए ।
उनलाई कास्की जिल्ला अदालतबाट ठगी सम्बन्धी कसुरमा दिन सात म्याद थप गरी अनुसन्धान प्रक्रिया अघि बढाइएको प्रहरीले जनाएको छ ।
