पोखरा । नेपाली कांग्रेस कास्कीका पूर्व उपसभापति विष्णु बाँस्तोलाको निधन भएको छ ।
पोखरा उपत्यका विकास समितिका पूर्वअध्यक्षसमेत रहेका बास्तोलाको आज बिहान ४ः१५ बजे निधन भएको नेपाली कांग्रेस पोखरा महानगरपालिका वडा नं. ९ का निवर्तमान सभापति शिवराज बास्तोलाले जानकारी दिए ।
उनले पोखरा उपत्यका नगर विकास समितिको तीन पटक अध्यक्ष भएर काम गरेका थिए ।
स्वर्गीय बास्तोला पोखरास्थित महेन्द्र उच्च माविको व्यवस्थापन समितिका पूर्वअध्यक्ष र पोखरा-९ का पूर्व वडाध्यक्ष पनि हुन् ।
स्व. बाँस्तोलाको अन्त्येष्टिका लागि आज बिहान ९ः३० बजे निवासबाट शवयात्रा गरिने बताइन्छ ।
यसैबीच पार्टीका पूर्व उपसभापति बास्तोलाको निधनप्रति कास्की कांग्रेसले दुःख व्यक्त गरेको छ ।
पार्टी सचिव भानु ढकालले टेलिफोनमार्फत बास्तोलाको निधनप्रति दुःःख व्यक्त गरेका हुन् ।
उनले वास्तोलको निधनले कास्की कांग्रेसले एक अभिभावक गुमाएको र यसले पार्टीमा अपूरणीय क्षति पुगेको उल्लेख गरे ।
यसैबीच कास्की कांग्रेसका उपसभापति बाँस्तोलाको निधनप्रति नेपाली कांग्रेस पोखरा महानगर कार्यसमितिले दुःख व्यक्त गरेको छ ।
पार्टी सचिव टुवराज बास्तोलाले सामाजिक सञ्जालमार्फत शोक विज्ञप्ति जारी गर्दै दुःख व्यक्त गरेका हुन् ।
नेता विष्णुप्रसादको निधनले सिंगो नेपाली कांग्रेसलाई अपुरणीय क्षति पुगेको उल्लेख गर्दै सचिव बाँस्तोलाले आफूहरु मर्माहत र स्तव्ध भएको बताए ।
