-
-
-
-
पोखरा । संकटा क्लव पोखरामा जारी आहा रारा गोल्डकप फुटबलको सेमिफाइनलमा प्रवेश गरेको छ । उपाधि दावेदार मानिएको त्रिभुवन आर्मीलाई ३-१ गोल अन्तरले हराउँदै संकटा प्रतियोगिताको अन्तिम चारमा पुगेको हो । संकटाले फाइनल प्रवेशका लागि एपीएफको सामना गर्नेछ ।
सोमबार भएको पहिलो हाफको १४ औं मिनेटमा आर्मीका दिनेश हेम्जनलाई संकटाका निशान खड्काले लडाइदिएपछि पाएको पेनाल्टीमा नवयुग श्रेष्ठले गोल गरेका हुन् ।
१-० ले पछि परेको संकटाका लागि खेललाई बराबरीमा ल्याउन ३५ औं मिनेटमा मेसुकेले गोल गरे भने दोस्रो हाफको ७३ औं मिनेटमा सुरज ठकुरी र अतिरिक्त समयमा पुनः मेसुकेले नै एक गोल गर्दै संकटालाई ३-१ जित दिलाए ।
