-
-
-
-
पोखरा । पोखराबाट काठमाडौं जाँदै गरेको बसले स्कुटरलाई ठक्कर दिंदा एक युवकको ज्यान गएको छ ।
मृत्यु हुनेमा भानु नगरपालिका वडा न.. १३ समजुर निवासी ३२ वर्षीय शेखमहमद रखिम मियाँ रहेका छन् ।
तनहुँको बन्दीपुर गाउँपालिका वडा नं. ५ याम्पा फाँटमा प्रदेश नं ३-०१-००६ ख ०९२४ नंको बसले ग१३प ३५५४ नंको स्कूटरलाई ठक्कर दिंदा दुर्घटना भएको तनहुँ प्रहरीले जनाएको छ ।
दुर्घटनामा गम्भीर घाइते भएका मियाँको उपचारका क्रममा दमौली अस्पतालमा मृत्यु भएको जिल्ला प्रहरी कार्यालय तनहुँ प्रहरीले जनाएको छ ।
बस चालक जिल्ला सिन्धुली गोलञ्जोर गाउँपालिका वडा नं. ४ बस्ने ३३ वर्षीय चुक्तबहादुर ठकुरीलाई नियन्त्रणमा लिई थप अनुसन्धान भइरहेको प्रहरीले जनाएको छ ।
