-
-
-
-
काठमाडौं । नेपाली कांग्रेसले प्रतिपक्षमा रहने गरि सरकारलाई विश्वासको मत दिने निर्णय गरेको छ। कांग्रेसले प्रधानमन्त्री पुष्पकमल दाहाल ‘प्रचण्ड’ नेतृत्वको सरकारलाई प्रतिपक्षमा रहने गरी समर्थन गर्ने निर्णय गरेको हो ।
संसद् भवनको ल्होत्से भवनमा बसेको कांग्रेसको केन्द्रीय कार्यसम्पादन समितिको बैठकले प्रचण्ड सरकारलाई समर्थन गर्ने निर्णय गरेको हो । तर कांग्रेस सरकारमा सहभागी नभई प्रतिपक्षमा बस्ने भएको छ ।
कार्यसम्पादनको उक्त निर्णयलाई संसदीय दलको बैठकमा सुनाइने छ । अन्तिम निर्णय संसदीय दलको बैठकबाट गरिने नेताहरूले बताएका छन्।
हिजो प्रधानमन्त्री दाहालले धुम्बराही पुगेर कांग्रेस सभापति शेरबाहादुर देउवासँग विश्वासको मत मागेका थिए ।
