काठमाडौं ।सरकार सञ्चालनका लागि बनेको उच्चस्तरीय राजनीतिक संयन्त्रका संयोजक केपी शर्मा ओलीले प्रचण्ड नेतृत्वको सरकारमा सहभागी हुने मन्त्रीहरूको टुङ्गो लगाउन जुटेका छन् । एमालेले अध्यक्ष ओलीलाई मन्त्रीको नाम टुङ्गाउने जिम्मा दिएको छ ।
ओली निकट मानिएका महासचिव शङ्कर पोखरेल, उपमहासचिव विष्णु रिमालले ओलीलाई मन्त्री छान्न सहयोग गरिरहेका छन् ।
अहिलेसम्म सत्ता बाँडफाँडमा आठ वटा मन्त्रालय र एक राज्यमन्त्री पाएको एमालेले चार मन्त्रालय टुङ्गाउने क्रममा छ । उपाध्यक्ष विष्णु पौडेलको नेतृत्वमा चार जना सरकारमा गइसकेका छन् । आज नवनियुक्त मन्त्रीहरूको शपथ दिउँसो १ बजे हुँदै छ ।
अब नयाँ मन्त्रीको रूपमा किरण साह, पदम गिरी, प्रेमलाल महर्जन, हरि उप्रेती, बलराम अधिकारी र भगवती चौधरी मन्त्री हुने सम्भावना छ । साथै योगेश भट्टराई र गोकर्ण विष्टमध्ये एक जना मन्त्री बनाउन सक्ने पनि बुझिएको छ ।
यी बाहेक ओलीले आफू निकट मानिएका सांसदलाई मन्त्री दिन पनि सक्ने छन् । दुई पटक सांसद भएकालाई मन्त्री बनाउने एमालेको योजना रहेको छ ।
