-
-
-
-
काठमाडौं । गृह मन्त्रालयको टुङ्गो लगाउन नेकपा एमालेका अध्यक्ष केपी शर्मा ओली प्रधानमन्त्रीको सरकारी निवास बालुवाटार पुगेका छन् ।
राष्ट्रिय स्वतन्त्र पार्टीका सभापति रवि लामिछानेलाई गृह मन्त्रालय दिलाउन अध्यक्ष ओली बालुवाटार पुगेका हुन् ।
बालुवाटार पुगेर ओलीले प्रधानमन्त्री पुष्पकमल दाहाल प्रचण्डसँग गृह मन्त्रालयको जिम्मेवारीका विषयमा केन्द्रित भएर छलफल गरेका छन् ।
आज बुधबार बिहान १०:३० बजे बालुवाटार छिरेका ओलीले मन्त्रालय रविलाई दिनुपर्ने प्रधानमन्त्रीलाई दबाब दिएका छन् ।
यसअघि पनि रविको पार्टीलाई गृह मन्त्रालय दिन अध्यक्ष ओलीले प्रधानमन्त्री दाहाललाई दबाब दिँदै आएका छन् ।
प्रधानमन्त्री प्रचण्ड भने उक्त मन्त्रालय आफैँसँग राख्ने मनस्थितिमा रहेका छन् ।
ओली प्रचण्ड भेटमा राष्ट्रपति तथा उपराष्ट्रपतिको निर्वाचन बारेमा पनि छलफल भएको बताइएको छ ।
पूर्व गृहमन्त्री लामिछानेले गृह मन्त्रालयको जिम्मेवारी आफ्नै दलले पाउनुपर्ने माग गरेका छन् ।
मन्त्रालय नपाए सत्ता छोड्ने लामिछानेको चेतावनी छ ।
