मोरङ । नेकपा एमालेका अध्यक्ष केपी शर्मा ओलीले बेलुन उडाएका छन् । उनीसँगै उनकी पत्नीले पनि बेलुन उडाएकी छिन् । ओलीले ‘सीएनआई कोशी एक्स्पो–२०७९’को बिहीबार विराटनगर–२ शङ्करपुरमा बेलुन उडाएर उद्घाटन गरेका हुन् । साथमा उनकी पत्नी राधिकाले पनि बेलुन उडाएकी थिइन् ।
सो क्रममा बोल्दै ओलीले लोकतन्त्रलाई संस्थागत र सुदृढ गर्नका लागि निर्वाचन प्रणालीको विधिलाई सुधार गरी राजनैतिक स्थिरता कायम गर्नु आजको आवश्यकता भएको बताए ।
उनले संविधान संशोधन गर्ने दस्तावेज भए पनि शासन प्रणालीमा सुधार गर्न अहिलेनै यो संशोधन गर्नुपर्ने बेला नभएको स्पष्ट पारे ।
अध्यक्ष ओलीले नेकपा एमालेको राष्ट्रपति पदमा उम्मेदवार हुनु भनेको सत्ता पक्ष र वर्तमान सत्ता समीकरणको उम्मेदवार भएको स्पष्ट पारे ।
सहमतिअनुसार राष्ट्रिय स्वतन्त्र पार्टी ९रास्वपा० ले गृहमन्त्री पाउनुपर्ने तर त्यो पार्टीले कसलाई बनाउने उसको जिम्मेवारी रहेको भन्दै उनले यस विषयमा कुनै छलफल नभएको र सरकारबीच असमझदारी समेत नरहेको स्पष्ट पारे ।
पूर्वप्रधानमन्त्री ओलीले वर्तमान अवस्थामा लोकतन्त्रका विरुद्ध षडयन्त्र भैरहेकोले त्यसप्रति नेपाली जनता सजग र सचेत हुनुपर्छ भने ।
