-
-
-
-
पाल्पा । पाल्पामा आज बिहान सवारी दुर्घटना हुँदा दुई जनाको मृत्यु भएको छ ।
मृत्यु हुनेमा तानसेन नगरपालिका वडा नं. १३ बौघागुम्हाका १९ वर्षीय अभिषेक थापा र उनकी आमा ३९ वर्षीय मीना थापा मिधुन रहेको जिल्ला प्रहरी कार्यालय पाल्पाले जनाएको छ ।
प्रहरी प्रवक्ता वीरेन्द्र थापाका अनुसार आमाछोरा सवार लु५३प ७५७१ नम्बरको स्कूटरलाई लु२त ९८८४ नम्बरको ट्याक्टरले ठक्कर दिंदा दुर्घटना भएको हो ।
तानसेन-दर्लमडाँडा अन्तर्गत भित्री सडकमा पर्ने बगनासकाली गाउँपालिका वडा नं. ९ झिरुभन्ज्याङ नजिकै ठकुरी बारीमा सो दुर्घटना भएको हो ।
ट्याक्टर चालकलाई नियन्त्रण लिएको प्रहरीले जनाएको छ ।
